ഏപ്രിൽ ഫൂൾ

നുണ പറയാൻ ഒരു ദിനമുള്ളത്
നല്ലതല്ലേ..
നേരാകണം എന്നോർത്തു
നുണ പറഞ്ഞു കാണും ചിലരിന്ന്..
നേരിന്റെ നീറ്റൽ തൊടുമ്പോ
നുണ കൊണ്ട് ചിരി ഇട്ടു
മറച്ചിട്ടുണ്ടാകും ചിലരിന്ന്..

നീയും ഞാനും

ഞാൻ എഴുതിയതെല്ലാം..
എന്നെയും നിന്നെയും കുറിച്ചാണ്..
എന്താണ് നമ്മളെ കുറിച്ച് എഴുതുക..
നമ്മൾ എന്നൊന്നുണ്ടോ..
നീ ഞാനും ഞാൻ നീയും തന്നെ അല്ലെ..

ഞാൻ

എന്നെ എനിക്ക് ഓർക്കാൻ ആകുന്നില്ല..
എങ്ങനെ ആയിരുന്നു ഞാൻ..
ഓർത്തെടുക്കാൻ ശ്രമിച്ചു ശ്രമിച്ചു..
കിതച്ചു ഞാൻ വീഴുമ്പോ..
പഴയ പുസ്തകങ്ങൾ
ചിരിച്ചു കൊണ്ട് തുറന്നു തരുന്നു..
എന്റെ എഴുത്തു..
എന്റെ കവിതകൾ..
..
എഴുത്തു നിർത്തരുത്..
നാളെ എന്നെ മറന്നു പോകുമ്പോൾ
ഓർത്തെടുക്കാൻ
എനിക്കൊരു വരി വേണം..
ഒരു വാക്ക് വേണം..

വെളിച്ചം കാണാത്ത വാക്കുകൾ

വെളിച്ചം കാണാത്ത മയിൽപ്പീലി പോലെ
ഒളിച്ചുവെക്കുന്നെന്റെ വാക്കുകളെ ഞാൻ
ഒരിക്കൽ ഈ പുസ്തകം മറിച്ചു നോക്കുമ്പോൾ
ഓർത്തു ചിരിക്കാൻ മറന്നു വെക്കുന്നു..
എന്നെ ഓർത്തെടുക്കാൻ മറച്ചു വെക്കുന്നു..

മോഹങ്ങൾ

വേണ്ടെന്ന് ഭാവിച്ചെന്റെ
മോഹങ്ങളെ ഞാൻ കൊല്ലുന്നു
സ്വപ്നങ്ങളായി പുനർജനിച്ചു
അവരെന്റെ ഉറക്കം കെടുത്തുന്നു