ദൃശ്യം

ദൃശ്യം

സമരപ്പന്തലിൽ കുറേ നാളായി
സമരമിരിക്കുന്ന ആളെ ഇന്ന് കാണാനില്ല
ഈശ്വരാ..എന്ത് പറ്റിയോ എന്തോ..
അറിഞ്ഞിട്ടെന്ത് കാര്യം
ഒന്നിനുവേണ്ടിയും ഒരുമിച്ച് നിക്കാത്ത,
ഒരിക്കലും ശബ്ദമുണ്ടാക്കാത്ത,
നിനക്കും എനിക്കും
ഇത് പുതിയൊരു കാഴ്ച മാത്രം..
ഒന്നിൽ നിന്ന് മറ്റൊന്നിലേക്ക് ഒഴുകിപ്പോകുമ്പോൾ
ഉടക്കി നിക്കുന്ന ദൃശ്യങ്ങൾ മാത്രം..
അടുത്ത പന്തലിൽ എന്തിനാണാവോ
ഒരു ആൾക്കൂട്ടം..