ഭ്രാന്ത്

ഭ്രാന്ത്

"നിനക്ക് ഭ്രാന്താണ് "
തനിയെ ചിരിക്കുമ്പോഴും
തന്നെ താൻ സംസാരിക്കുമ്പോഴും
ചുമ്മാ കരയുമ്പോഴും
ഭ്രാന്തമായി ചിന്തിക്കുമ്പോഴും
എന്റെ സ്വാതന്ത്ര്യത്തെ
നിങ്ങൾ ഭ്രാന്തെന്ന് വിളിച്ചു

തുറന്നു ചിരിക്കാനാകാത്ത
ഉറക്കെ കരയാനാകാത്ത
നിറയെ ചിന്തിക്കാനാകാത്ത
ഇരുട്ടു മുറിയിൽ നിങ്ങൾ എന്നെ ബന്ധിച്ചു

എന്നെ തളച്ചിട്ട മുറിയുടെ താക്കോൽ
നിന്റെ കൈയിൽ ആണ് ..
തുറക്കാൻ മടിച്ചു നീ മാറി നിൽക്കുന്നു
ഉള്ളിൽ ഞാൻ നിന്റെ വരവോർത്തിരിക്കുന്നു
എന്റെ ഭ്രാന്തമായ ലോകത്തിലേക്ക് ..
എന്റെ സ്വാതന്ത്ര്യത്തിലേക്ക് ..